LAOAG CITY – Manarimaan ti pannakaipabuya ti “Ibarra Ngayon” iti Ilocandia Cultural Center ita nga aldaw Setiembre 4 ken agpaot agingga iti aldaw ti Setiembre 6.
Ti nasao nga“Ibarra Ngayon”ket maibilang kas kaunaan a musical play a maipabuya iti Ilocandia Cultural Center.
Iti premier night ket nagatendar dagiti naruay nga indibidual tapno maimatanganda ti nasao a musical play a dati a mabuya laeng iti Manila.
Mainaig iti daytoy, maragsakan dagiti nagatendar ta gapu iti pannakaestablisar ti Ilocandia Cultural Center a proyekto ni dati a Congressman Imelda Marcos ket personalen a mabuya ken maeksperiensiadan ti“Ibarra Ngayon”musical play.
Maipalagip nga immunan ti panangipakaammo ni Director Frannie Zamora ti “Tanghalang Una Obra” a napauloan ti nasao a musical play ti “Ibarra Ngayon” nga insurat ni Jomar Fleras a naibasar ti istoria iti mapaspasamak iti agdama saan laeng nga iti Pilipinas ngem iti intero a lubong a kalikagumna ti namnama a makabirok iti solusion ti agdama a henerasion iti nobela nga insurat ti banuar a ni Dr. Jose Rizal a“Noli Me Tangere”.
Mainaig iti daytoy, inbatad pay idi ti Provincial Tourism officer Mr. Aian Raquel a manamnama a mailatang ti mapastrekan ti nasao a musical play para iti pannakaisayangkat ti aniaman a produksion iti Ilocandia Cultural Center iti masangoanan.
Kabayatanna, malksid iti daytoy, adda pay ti plano ni Gobernador. Cecilia Araneta Marcos a mainayon a mailatangan ti pondo para iti masungad a tawen ti “theater and performing arts development fund” nangnangruna para iti pannakaipadur-as dagiti “performances” iti “world class”a cultural center ditoy probinsia.
