LAOAG CITY – Kinondenar ti North Atlantic Treaty Organization (NATO) ti drone strike ti Russia a timmama iti sumagmamano a pagtaengan iti Romania.
Iti nasao nga insidente ket nangitunda daytoy ti nalawa nga uram ken pannakasugat ti dua nga indibidual.
Napasamak ti insidente iti ili ti Galati nga asideg iti nagbednganda ti Ukraine.
Inbatad ti North Atlantic Treaty Organization a maysa a panaglabsing daytoy nga inaramid ti Russia.
Naammoan a sumagmamano a daras a nakita ti drones ti Russia iti nagbedngan ti Romania ken daytoy ti umuna a gundaway nga adda ti sibilian a nadangran.
Basar met ti defense ministry ti Romania nga insigida nga inusarda ti F-16 fighter jets-da kalpasan a nakita ti panagtayab dagiti drones.
