LAOAG CITY – Nagballaag ti Department of Health a ti nalabes a panaginom ti nasasam-it kas ti softdrinks, tetra pack juice, ready-to-drink iced tea wenno coffee, flavored milk, sweetened wenno flavored yogurt, ken electrolyte drinks ket mabalin nga agtungpal ti Chronic Kidney Disease.
Inbatad ti ahensya a saan a dagus a makita ti sintomas ti panaginom ti nasasam-it ngem mabalin nga agtungpal iti nakaro a komplikasyon kas ti diabetes, overweight wenno obesity, ken dadduma pay a noncommunicable disease kas ti chronic kidney disease.
Gapu iti daytoy, nagballaag ti Department of Health a rumbeng a pilyen ti danom imbes a dagiti Sweetened Beverages, gapu ta malaksid a nalaklaka ket nataltalged manipod iti narisgo a sakit.
