LAOAG CITY – Nakapasar ti internet blackout idiay Iran kalpasan ti mapaspasamak a nalawa a tignay protesta.
Naiwayat ti maika-12 nga aldaw a tignay protesta iti Tehran ken nagduduma a siudad ti Iran.
Namunganay ti tignay protesta gapu iti panagbagsak ti ekonomia ti Iran.
Umaboten iti 45 nga indibidual ti pimmusay kalpasan a nagbinnara dagiti mangiwaywayat ti tignay protesta ken kapulisan.
Immuna iti daytoy, nagpangta ni United States President Donald Trump iti gobierno ti Iran a makibiangda no adda dagiti matay a mangiwaywayat ti tignay protesta.
