LAOAG CITY – Inbatad ni Engr. Cynthia Iglesia iti DOST-PAGASA ditoy ciudad ti Laoag a no adda ti mabukbukel a dakes a panawen ket makarikna wenno makapasar ti sobra a kinabara ti panawen.
Daytoy ti nagbalin a rakurak ni Iglesia mainaig iti mapaspasaran a sobra a kinabara ti temperatura.
Inlawlawag na nga iti baet nga adda dagiti bagyo ditoy pagilyan ket adda latta dagiti lugar a kas ditoy probinsya a saan a makapaspasar ti tudo.
Inbaga na nga adda dagiti lugar iti pagilyan a malaylayos gapu iti sobra a mapaspasaran da a tudo ngem ditoy Ilocos Norte ket adda iti below-normal.
Inpakaammo ni Iglesia a ti maysa a rason no apay nga agpapan ita a bolan ket agkurkurang pay laeng ti mapaspasaran a tudo ket gapu ta ti Ridge of High Pressure Area ket nagtalinaed iti Pacific Ocean.
Innayon na nga uray adda dagiti napasaran a bagyo kadagiti naglabas a bolan kangrunaan na idi bolan ti Agosto ngem saan a nakaitunda ti napipigsa a tudo ditoy probinsya.
Kabayatanna, inbaga ni Iglesia a possible nga iti bolan ti Oktubre agingga iti disyembre ita a tawen ket agpasar ti pagilyan ti La Niña.
