LAOAG CITY – Naan-anayen a naglippas ti ay-ayam ni Alex Eala iti Italian Open a maisaysayangkat idiay Rome, Italy.
Naikkat pay ni Alex iti doubles event kaduana ni American Hailey Baptiste.
Saan a masarakan da Eala ken Baptiste ti umno a kombinasion tapno magun-od ti score a 2-6, 1-6 a pannakapaay kontra kada second seeds Katerina Siniakova ti Czech Republic ken Taylor Townsend ti Amerika iti first round.
Daytoy ti umuna a panagkadua da Eala ken Baptiste.
Naammoan a da Eala ken Baptiste ti nangsukat iti puesto da Elisabetta Cocciaretto ti Italy ken Leylah Fernandez ti Canada a nag-withdraw iti doubles.
Immunan a naabak ni Alex iti third round ti singles event no sadinno a naabak isuna iti world No. 2 Elena Rybakina ti Kazakhstan iti score a 4-6, 3-6.
Naiyawid ni Alex ti 46,080 Euros wenno P3.3 milyon iti panagserrek iti third round ti singles event ken nayon a 7,907 Euros wenno P570,000 iti doubles-na.
