LAOAG CITY – Ibilang ni Engr. Neil Jose, mangimatmaton iti maysa a bus company ditoy ciudad ti Laoag a napintas ti addang ti gobierno mainaig iti Public Utility Vehicle Modernization Program.
Nupay kasta, kuna ni Jose nga iti biang dagiti jeepney operators ket marigatan gapo iti kadakkel ti magastos.
Segun kenni Jose, dagiti makina laeng kuma ti masapol a masukatan nangruna no napintas pay laeng ti behikulo.
Kunana a ti initial investment ti kangrunaan a padagsen kadagiti jeepney operators nga umabot ti 1.4 agingga iti 1.6 a milyon a pisos.
Reaksyon daytoy ni Jose iti iyus-uswat a transport strike wenno tigil-pasada babaen kadagiti nagduduma a transport group iti intero a Pilipinas mainaig iti nasao nga addang.
