LAOAG CITY – Nabayadanen ni dati a Treasurer Cristeto Subia ti maipagarop nga innala na a nasurok a 257 ribo a pisos a pondo ti Senior Citizen Association iti ili ti Bacarra
Daytoy ti kinumpirmaran ni Ret. Col. Delfin Avena, ti Presidente iti nasao nga asosasyon.
Inlawlawag ni Avena nga inikkan da ti maysa a bolan a pawayway ken ni Subia tapno maisubli na ti maipagarop nga innala na a pondo ti asosasyon da.
Inpalgak ni Avena a no saan koma a naisubli ni Subia ti nasao a pondo ket pilaan da ti reklamo.
Innayon na nga iti baet a nabayadan ni Subia ti maipagarop nga innala na a pondo da ket saan dan nga ikkan ti aniaman a posisyon iti asosasyon da.
Kabayatanna, inpakaammo ni Avena a ti pondo da nga umabot iti nasurok a 700 a ribo a pisos nga immunan a nagpukaw ket nakisarita ti responsable iti daytoy nga in-inutan na abayadan no sadinno nga agbayad iti 10 ribo a pisos iti kada bolan.
Iti agdama, kuna ni Avena a nasurok paylaeng a 1/3 ti nasao a pondo ti nabayadan ti maseknan.
