LAOAG CITY – Inbatad ni Mr. Genaro dela Cruz, Presidente iti Alyansa dagiti Mannalon ditoy Ilocos Norte nga agingga nga adda ti EPIRA Law ket saan a namnamaen nga agbalin nga stable ti singir iti kuryente ditoy probinsya.
Inpetteng na a masapol a marebisar wenno mapukaw ti nasao a linteg tapno maisubli a ti gobierno ti mangimanihir iti daytoy saan ketdi a dagiti pribado a kompanya.
Immuna iti daytoy, nagsurat ti grupo ni dela Cruz iti Energy Regulatory Commission (ERC) tapno ireklamo ti nangato unay a singir ti kuryente iti Ilocos Norte Electric Cooperative (INEC).
Gapu iti daytoy, nagsurat ti Energy Regulatory Commission iti kooperatiba ken idi Disyembre 5 ket naiyuswat ti virtual hearing iti nagbabaetan da no sadinno a ditoy a nailawlawag no apay a ngimmato ti singir iti kuryente ditoy probinsya.
Mainaig iti daytoy, inpakaammo ni dela Cruz a dagiti member-consumers a senior citizens ket masapol a mapan da agparehistro iti opisina ti kooperatiba tapno magundawayan da ti 20 a porsiento a diskwento.
Inpakaammo ni dela Cruz nga agsasango danto manen iti sumaruno a bolan tapno ituloy da a pagsasaritaan daytoy banag.
