LAOAG CITY – Kinondenar ti naruay a pagilian ti inaramid a panagatake ti Houthis rebel ti Yemen iti nagduduma a paset ti Saudi Arabia.
Tinamaan ti missiles ti Houthi ti oil facilities ti Abha, Najran ken Jizan, pakairamanan ti airbase iti Khamis Mushait.
Nasugatan met iti insidente ti 73 a tattao karaman dagiti ubbing ken babbai.
Indaulwan ti United Nations ti panangkondenar iti napasamak no sadinno a kunana a saan koman a rumbeng a mairaman dagiti sibiliyan idinto a ti Qatar ket maalarma gapu iti nakaro a panagatake.
Inpetteng met ti Bahrain a rumbeng nga agsungbat ti Houthi rebels iti inaramid da.
Mainaig iti daytoy, inrakurak ti Russia a nakasagana tapno bumallaet iti rinnupak iti nagbaetan ti Saudi Arabia ken Houthi Rebel.
