LAOAG CITY – Dupudop dagiti nagturong iti Laoag City Public Market and Commercial Complex tapno gumatang ti sabsabong ken nagduduma nga atang para iti panagbisitada kadagiti kamposanto ita nga aldaw.
Naruay dagiti naglako ti sabsabong ken nagduduma nga atang iti laud ken daya a paset ti tiendaan no sadinno a nagtalinaed ti presio dagitoy ngem nakadepende ti klasena.
Naammoan a nupay ita nga aldaw mismo ti panagbisita dagiti umili kadagiti kamposanto ket adu latta ti kimmakam a napan nagpaaramid ti kalikagumda a disenio ti sabsabong.
Kabayatanna, basar iti panagsursor ti News Team ti Bombo Radyo Laoag ket nasapa pay laeng itay bigat ket naobserbaranen a naruayen dagiti nagturong iti merkado publiko ditoy siudad ti Laoag tapno maliklikan ti panagdudupudop dagiti tattao.
