LAOAG CITY – Naaprobaranen ti nasurok a P1.7 B proposed annual budget ti Gobierno Probinsial ti Ilocos Norte para intono tawen 2020.
Segun kenni Sangguniang Panlalawigan Member ken Chairman ti Committee on Appropriations Atty. Donald Nicolas, ti pundo ket nailatang para kadagiti nagduduma a proyekto ken programa ti probinsia.
Inbatadna a ti kadakkelan ti nailatangan ti pondo ket ti benneg ti Health Services gapu ta daytoy ti kangrunaan a prayoridad ti probinsia sumaruno iti benneg ti Imprastraktura, Agrikultura, Edukasion ken ti Environment.
Karaman kadagiti kimmanunong iti pannakaaprobar ti nasao a budget ket da Bokal Dr. Medeldorf Gaoat, Bokal Domingo Ambrocio Jr., Bokal Atty. Da Vinci Crisostomo, Bokal James Paul Nalupta, Bokal Aladine Santos, Bokal Atty. Saul Paulo Lazo, Bokal Atty. Donald Nicolas, Philippine Councilors League President Handy Lao, ABC Federated President Elmer Faylogna ken SK Federated President Rafael Salvador Medina.
Maipalagip nga immuna a dimmalan ti nasao a budget ti 2nd Reading idi kalman gapu ta adda da dagiti sumagmamano a nabaliwan iti linaon na.
