LAOAG CITY – Nasurok a 10 nga ektarya ti naapektaran ti napasamak a grass fire iti Barangay Boyboy iti ili ti Piddig.
Segun kenni Police Captain Rudy James Jacalne, ti chief of police ti Philippine National Police Piddig, manarimaan ti panagimbestigar ti Bureau of Fire Protection.
Iti inisyal nga impormasyon, bayat ti panagpatorolya dagiti kameng ti pulisya iti Barangay Boyboy iti alas onse idi rabii ket nakita da ti agap-apoy iti kabanbantayan a paset.
Gapo iti daytoy ket dagus da a nagparesponde iti Bureau of Fire Protection ken ti Barangay responders.
Naduktalan a manipud pay iti alas-siete ti uram ken naideklara a fire out iti tengnga ti rabii.
Naamoan nga asideg kadagiti kabalbalayan ti nakapasamakan ti uram ngem awan dagiti nairamraman a sanikua.
