LAOAG CITY – Immabot iti nasurok 100 a baboy ti naparti a baboy iti slaughter house iti ili ti San Nicolas kabayatan ti bisperas ti Paskua.
Segun ken ni Mr. Leonard delos Santos, meat inspector iti nasao nga ili, ti nasao a bilang ket isu ti kangatoan ita a tawen.
Inbatad na daytoy ti mangipasimudaag nga umad-adon ti suplay ti karne ti baboy iti nasao nga ili nu ikompara iti napalabas a tawen a narikna ti epekto ti African Swine Fever.
Immuna iti daytoy, inpakaammo ni delos Santos a sakbay pay a nadanon ti bisperas ti paskua ket adon dagiti nangipila ti order rason nga alisto a naibos.
Patien ni delos Santos nga iti pannakasarabo ti baro a tawen ket ad-ado pay ti manamnama a maparti a baboy.
