LAOAG CITY – Inbatad ni Dr. Loida Valenzuela, ti Provincial Veterinarian nga adda ti nasurok 300 a baboy ti napapatay a baboy manipud kadagiti lima nga infected a farm iti Barangay Maananteng iti ili ti Solsona.
Segun kenni Valenzuela, dagiti baboy ket naggapo iti uneg ti 500 meter radius manipud iti infected nga area.
Inlawlawag na nga adda ti innem nga hog farmers iti Barangay Maananteng ti apektado iti daytoy idinto a saan na pay a maibaga ti eksakto a bilang dagiti taraken a nagpositibo iti African Swine Fever (ASF).
Kunana nga intono Lunes ket rugyan da manen ti agala ti dara kadagiti baboy.
Immapela met ni Valenzuela kadagiti maapektaran iti daytoy nga ipalubos da a maeksamin dagiti baboy da tapno maamoan no positibo wenno saan.
Mangnamnama daytoy a saanen a manayunan ti lugar a maapektaran iti ASF.
