LAOAG CITY – Umabot iti 345 a wanted person ti natiliw ti Philippine National Police (PNP) sipud idi enero agingga iti nobyembre ita a tawen.
Daytoy ti inbatad ni Chief Inspector Randy Baoit iti Ilocos Norte Police Provincial Office (INPPO) bayat iti naiyuswat a Provincial Peace and Order Council Meeting.
Inbatad ni Baoit a manipod ti nasao a bilang ket karaman ditoy dagiti 338 a wanted person iti city level, pito iti provincial level ken innem dagiti most wanted person.
Mamati ni Baoit a no saan a natiliw dagiti 345 a maibilang a wanted person ditoy probinsya ket mabalin nga adda pay dagiti sabali a maaramidan da a krimen.
