LAOAG CITY – Umabot iti 44 a tattao ti natay iti panagbettak idiay Pakistan kabayatan ti rally nga inorganisar ti Islamist party.
Nasurok a 100 a tattao pay ti nasugatan iti insidente iti north-west Bajaur district, nga isu ti nakaiyuswatan ti taripnong ti Jamiat Ulema-e-Islam-Fazl (JUI-F).
Segun kadagiti otoridad, nakarekobre da ti ebidensya a ti panagbettak ket maysa a suicide attack.
Naamoan a nalpas metten ti rescue operation ken amin a nasugatan ket manarimaanen ti pannakataming da iti hospital.
Nagballaag met dagiti opisyal a ti posible a ngumato pay ti bilang dagiti natay gapo ta 15 kadagiti nasugatan ti adda iti kritikal a kondisyon.
Kabayatanna, awan met pay ti nalawag a motibo ti nasao a panagatake.
