LAOAG CITY – Mapukpukaw ti 75,840 a pisos a kwarta ti Sang. Kabataan ditoy ciudad ti Laoag a nayun ti pondo da a nasurok 325 a ribo a pisos.
Naamoan a daytoy ket kwarta da a mapan ag-training iti maysa a resort.
Naduktalan daytoy kalpasan a nagpirma dagiti 79 a Sang. Kabataan ti payroll a blanko no sadinno nga adda kuma ti maawat da a sag-960 a pisos da iti kada meal/dine.
Segun kadagiti maseknan, awan ti naawat da ken nagpirma da ti authorization letter a mangipalubos a ti Sang. Kabataan Federated President ditoy ciudad ti Laoag a mangiproseso ti kwarta.
Nupay kasta, maipagarop a nalpasen a naka-cash advance ti SK Federated sakbay a nagpapirma kadagiti Sang. Kabataan.
Mainaig iti daytoy, kalpasan a naamoan ti Sang. Panlalawigan daytoy ket kwinestyunaran na no apay nga adda ti naiyalokar a “per dine” gapo ta masapol nga iti barangay ti paggapwan na.
Malaksid iti daytoy, nakwestyunaran pay no apay a kalpasan laeng ti training ti pannakapasukat ti tseke no sadinno nga agpapan ita ket awan pay ti naiyawat kadagiti Sang. Kabataaan.
