LAOAG CITY – Inbatad ti Philippine National Police (PNP) a nasurok a 15,000 a paltog ti nakumpiskar da ken adda ti agarop 5,500 a tattao ti naarestar iti uneg laeng ti pito a bolan a kampanya da kontra iti loose firearms ken gunrunners.
Iti datos, manipod iti Agosto 2025 agingga iti Pebrero 19, 2026, umaboten iti 5,547 nga indibidwal ti naarestar ken 15,428 a paltog ti nakumpiskar wenno naawat ti nailian a pulisya.
Saan pay a karaman ditoy ti 1,474 baril a boluntaryo a naisuko para iti safekeeping.
Segun iti Philippine National Police, daytoy ket mangipakita iti pannakikaysa ti publiko kadagiti addang tapno maliklikan wenno malapdan dagiti mapasamak a krimen.
