LAOAG CITY – Naruay dagiti posters dagiti kandidato a naikkat iti naiyuswat a nationwide operation baklas ditoy probinsya.
Daytoy ti inbatad ni Atty. Joel Gines, Provincial Election Supervisor ditoy Ilocos Norte.
Kuna na a dagiti inikkat da a posters dagiti kandidato ket saan a simmurot iti size ken saan nga usto ti nakaikabilan da a lugar.
Segun kenkuana, ditoy laeng ciudad ti Laoag ket umabot iti nasurok a 1,630 a posters ti naikkat da no sadinno a karaman ditoy ti bagi ti nasurok a 130 a partylist ken nasurok met a 330 a para senador.
Mainaig iti daytoy, inlawlawag ni Ginez a dagiti dadakkel unay a tarpaulin a naikabil kadagiti saan nga usto a lugar ken narigat a maikkat ket suratan da dagiti akinbagi tapno isuda ti mapan mangikkat.
Nupay kasta, inpetteng na a kalpasan a saan a maikkat dagitoy iti uneg ti tallo nga aldaw ket ikonsiderar da a naglabsingen ti akinbagi rason a pilaan da daytoy ti kaso.
