LAOAG CITY – Adda ti nasurok a 800 a Persons Deprived of Liberty manipod iti nagduduma a pagbaludan ken penal farms ti nawaya-wayaan idi Abril ita a tawen.
Inrakurak ti Bureau of Corections a ti nasao a bilang ket nangatngato no ikompara iti 783 a nawaya-wayaan a Persons Deprived of Liberty idi Marso ita metlaeng a tawen.
Kuna ni Bureau of Corrections Director General Gregorio Catapang Jr. a manipod iti bilang dagiti nawaya-nawayaan idi Abril ket adda ti 548 a nagngudon ti maximum a sentensya na, 161 ti naipaayan ti parole, 67 ti naabswelto ti kaso na, 28 ti naipaayan ti probation ken maysa ti naikkan ti petition for habeas corpuz.
Iti datos ti Bureau of Corrction, 42 a Persons deprived of Liberty ti nawaya-wayaan manipod iti Davao Prison and Penal Farm (DPPF), 131 manipod iti Iwahig Prison and Penal Farm (IPPF), 39 manipud iti Leyte Regional Prison (LRP), 148 ti nawaya-wayaan manipod iti Maximum Security Compound ti New Bilibid Prison (NBP), 204 manipod iti New Bilibid Prison Medium Security Compound, 46 manipod iti New Bilibid Prison Minimum Security Compound, 17 manipod iti Reception and Diagnostic Center ti National Bilibid Prison, 51 manipod iti Sablayan Prison and Penal Farm (SPPF) ken 65 manipod iti San Ramon Prison and Penal Farm (SRPPF) iti Zamboanga City.
