LAOAG CITY – Manamnama a pirmaan ni President Ferdinand Marcos Jr. ti implementing rules and regulations (IRR) ti New Agrarian Emancipation Act wenno Republic Act 11953 intono Sept. 12.
Ummunan nga inkari ni Agrarian Reform Secretary Conrado Estrella III a maileppas ti IRR iti baro nga Agrarian Emancipation Act kas birthday gift na iti presidente.
Binilin met ni Estrella ti seven-man committee nga ileppas daytoy sakbay ti 60-day deadline sipud nagbalin a linteg daytoy idi July 23, 2023.
Ti committee ket indaulwan ni Agrarian Reform Undersecretary for legal affairs Napoleon Galit idinto a ni Land Bank of the Philippines executive vice president Alex Lorayes ti nadutukan kas vice chairman.
Sumagmamano kadagiti miembro ket da Agrarian Undersecretary for special concerns and external affairs Marilyn Barua-Yap, National Irrigation Administration acting administrator Eduardo Guillen, Land Registration Administration administrator Gerardo Sirios, Landbank vice president Marife Pascua ken Agrarian Reform Undersecretary for policy planning and research Luis Meinrado.
Inbatad ni Estrella a naiyuswat ti public consultations iti key agrarian reform communities iti Luzon, Visayas ken Mindanao tapno makaala ti inputs kadagiti stakeholders.
