LAOAG CITY – Umaboten iti 129 a journalist ken media workers ti natay kabayatan nga ar-aramidenda ti trabaho ken responsibilidad iti napalabas a tawen.
Basar iti Committee to Protect Journalist (CPJ) a two-thirds iti nasao a bilang ket napapatay idiay Israel.
Daytoy ti maikadua a nagsaruno a tawen a naaddaan ti record-high a bilang dagiti pimmusay a journalist.
Maipalagip nga idi 2025 ket adda ti 86 a journalist ti natay iti uram idiay Israel no sadinno a kaadoan kadagitoy ket Palestinian iti Gaza.
Karaman pay ditoy ti 31 a media workers a natay iti panangatake dagiti Houthi rebels iti media center idiay Yemen nga isu ti maibilang a nadara a panangatake a nairekord ti Committee to Protect Journalist.
