LAOAG CITY – Mapagam-amkan ti pannakaipatungpal ti “national strike” kalpasan a nagsapata ti naelektaran a presidente iti Mozambique.
Nagsapata ti president-elect kalpasan ti nasurok a tallo a bolan a riribok seknan iti naiyuswst nga eleksyon iti pagilian.
Nakagun-on ni Daniel Chapo, agtawen ti 48, iti 65% a botos, ngem ipetpetteng dagiti opposition leaders, electoral observers ken ti publiko a naswitik ti resulta ti botos.
Gapu iti daytoy, naiyuswat dagiti nadamsak a tignay protesta iti lugar a nangitunda iti pannakatay ti sumagmamano a tattao.
Ti napinget a kinalaban ni Chapo a ni Venâncio Mondlane ket nagsubli laeng iti pagilian da iti napalabas a lawas manipod iti pannakapapanaw na iti Mozambique ket napan nagpaing iti South Africa no sadinno nga a basar kenkuana ket nalasatan na ti sumagmamano a gundaway a nagandat a napapatay.
