LAOAG CITY – Ad-adalen ti Philippine National Police (PNP) ti pannakaipalawa ti intero a pagilian ti maysa a technology-driven emergency alert system tapno mapaalisto ti panangsolbar dagiti pangta ken insidente kadagiti pagadalan.
Target ti Philippine National Police a palawaen ti B.E.S.T. School Alert and Rapid Response System, wenno “Build Partnership. Early Detection. Swift Alert. Tactical Response,” a binukel ti Police Regional Office 4A (Calabarzon).
Segun ken ni PNP Chief Gen. Jose Melencio Nartatez Jr., gagem ti sistema a pasayaaten ti koordinasyon dagiti pulis, pagadalan ken lokal nga stakeholders iti panangestablisar ken dagus a panangtratar dagiti security threat ken emergency.
Iti pilot implementation iti Calabarzon, adda ti 155 a pagadalan ti naikeddeng a mangusar ti application para iti al-listo a reporting, information-sharing ken koordinasyon kadagiti otoridad.
Inbatad pay ti Philippine National Police a manarimaan ti pannakikoordinar na iti Department of Information and Communications Technology (DICT) para iti possible a nayun a development ken panagtultuloy ti platform no ipatungpal daytoy nationwide.
Mailunglungalong ti nasao nga addang kalpasan dagiti insidente ti kinadamsak iti sumagmamano a pagadalan iti pagilian.
Segun ken ni Nartatez, kasapulan nga usaren ti law enforcement agencies ti available technology ken training tapno mapaalisto ti emergency response ken mapagtalinaed a natalged dagiti estudyante ken mangisursuro.
