LAOAG CITY – Ginutigot ti Alliance of Concerned Teachers (ACT) ti Department of Education (DepEd) a mangipaay ti supplemental budget kadagiti pagadalan para iti panangiyuswat na ti end-of-school year activities, kas ti graduation ken moving-up ceremonies.
Daytoy ket kalpasan nga inbilin ti Department of Education kadagiti pagadalan nga iwanwan dagiti aktibidad kadagiti indoor venues.
Ti maysa pay a pagpilian ket ti panangurnus ti oras ti programa tapno saan a maapektaran dagiti agatendar iti arigna makasinit a panawen.
Kuna ni Department of Education Undersecretary Michael Poa a masapol nga agaramid ti opisyal a kiddaw dagiti pagadalan iti departamento no kasapulan da ti nayun a pondo.
Inpalagip na met a dagiti nasao nga aktibidad iti pagadalan ket masapol a pagtalinaeden a simple ngem napnuan kaipapanan nga awan ti nayun a gastusen dagiti nagannak ken agad-adal.
