LAOAG CITY – Pinatawan ti multa ti National Basketball Association ti NBA team a Los Angeles Clippers kalpasan ti panaglabsingda iti pagannurotan ti salary cap maipapan iti star forward-da a ni Kawhi Leonard.
Kalpasan iti daytoy, manarimaanen ti imbestigasion ti federal prosecutors maipanggep kadaytoy a panaglabsing ti Clippers.
Mainaig iti daytoy, nangiparuk-at ti prosecutors ti subpoena kas paset ti imbestigasionda maipapan iti nasao nga issue.
Kabayatanna, immunan iti daytoy, minulta ti National Basketball Association ti Clippers ti $30 million ken napawilanda para iti lima a first round picks.
Malaksid iti daytoy, napagmulta pay ti nasao a player a ni Leonard ti $700,000.
Maipalagip a ni Leonard ket maysa a two-time NBA Finals MVP, no sadinno ket naalana daytoy manipud kadagiti naglabas a team-na a San Antonio Spurs (2014) ken Toronto Raptors (2019).
