LAOAG CITY – Manamanama nga agay-ayamen iti New Orleans Pelicans ti 2-way player a ni Benedict Mathurin iti sumaruno a season ti National Basketball Association wenno NBA.
Immanamong ti agtawen 24 a forward/guard iti dua a tawen a kontrata kaduana ti Pelicans nga aggatad ti $16 million.
Ni Mathurin ket maysa kadagiti kangrunaan a bench player ti Indiana Pacers idi nakastrek ti koponan iti 2025 NBA Finals.
Naamoan a maysa kadagiti dakkel a kontribusionna iti nadakamat a finals ket iti Game 7 no sadinno naartapanna ti makastrek ti career-high 27 points iti uneg laeng ti 22 minutes iti panagay-ayamna.
Iti napalabas a season, napagtalinaedna ti average ti 17.6 points per game (PPG), 5.4 rebounds per game (RPG) ken 2.4 assist per game (APG) iti uneg ti 54 games a pinagay-ayamna iti regular season.
Idi tawen 2022, napili daytoy kas 6th overall pick ngem kalpasan ti sumagmamano a tawenna iti Pacers ket immakar daytoy iti Los Angeles Clippers.
Mainaig iti daytoy, sumagmamano laeng a match a nakipaset iti Clippers ni Maruthin sakbay nga immanamong iti 2-year contract kaduana ti Pelicans.
