LAOAG CITY – Agsubli iti panagay-ayam iti National Basketball Association (NBA) ni dati a Philadelphia 76ers forward ken three-time All-Star a ni Ben Simmons kalpasan ti opisyal a panagpirma na ti kontrata iti Sacramento Kings.
Napagtulagan ti agsumbangir a partido ti maysa a tawen a kontratar nga agbalor ti $3.5 milyon para iti sumaruno a liga.
Sakbay ti panagsubli ni Simmons, nagpapigsa ken nagay-ayam paylaeng iti Australia para iti national basketball team ti pagilian da, no sadinno a naipakita na manen ti napintas a kondisyon na iti naglabas nga offseason.
Mabigbig ni Simmons kas maysa a nalaing a two-way player nga addaan ti career averages a 13.1 points, 7.4 rebounds, 7.2 assists, ken 1.5 steals iti pakabuklan ti 383 regular-season games nga inay-ayam na iti 76ers, Brooklyn Nets, ken Los Angeles Clippers.
Namnamaen a dakkel ti maitulong ti kapadasan ken depensa na iti Kings para iti kampanya kadagiti sumaruno a laban da.
