LAOAG CITY – Agtultuloy ti panagbaba ti infaltion wenno ti kapartak ti panagngato ti presio dagiti tagilako ket dakkel a bang-ar kadagiti pamilia a Pilipino.
Daytoy ti inwaragawag ti National Economic and Development Authority (NEDA) kalpasan nga inpakita ti datos manipud iti Philippine Statistics Authority (PSA) a bimmaba ti inflation rate idi Agosto agingga iti 3.3% manipud 4.4% idi Hulio.
Segun kenni National Economic and Development Authority Secretary Arsenio Balisacan, ti panagbaba ti inflation ket gapu iti panagbaba ti basic commodities, nangruna ti bagas.
Nupay kasta, mamakdaar ni Balisacan a mabalin a ngumato manen ti inflation gapu iti posible a panagngato ti singir iti koriente ken kalamidad kas iti La Niña.
Inpanamnama ti gobierno nga adda dagiti programa a mangtulong kadagiti mannalon ken mangngalap a mangtaginayon iti umdas a suplay ti taraon
