LAOAG CITY – Naikeddeng a bumisita iti White House ni Israeli Prime Minister Benjamin Netanyahu.
Basar iti opisina daytoy a maiyuswat ti panagbisita inton Pebrero 4.
Immunan nga inbatad ni United States President Donald Trump a planona a kasarita ni Netanyahu ken agturong iti White House ti Prime Minister.
Ti nasao a panagsarita ket kageddan ti naipatungpal nga innem a lawas a ceasefire iti nagbaetan ti Israel ken Hamas.
Immuna iti daytoy, insingasing ni Trump a nasken nga awaten ti Egypt ken Jordan dagiti Palestino a napukawan ti pagtaengan gapu iti panangraot ti Hamas a nangrugi idi Oktubre 7, 2023.
