LAOAG CITY – Nagpangta ni Israeli Prime Minister Benjamin Netanyahu a sumubbot Hamas kalpasan ti pannakaipaima ti bangkay dagiti hostage-da.
Karaman ti uppat a pimmusay nga hostage nga inpaima ti Hamas ket ti maladaga ken kabsat daytoy nga agtawen ti uppat nga hinostage-da idi Oktubre 7, 2023.
Inbatad ni Netanyahu a sumubbotda kontra iti Hamas gapu ta maladingitan unay dagiti maseknan a pamilia dagiti biktima.
Binabalaw met ni United Nations human rights chief Volker Turk ti inaramid ti Hamas kadagiti bangkay gapu ta arig inparadada pay kabayatan a buybuyaen dagiti Palestino.
Maipalagip a naipatungpal ti ceasefire idi Enero no sadinno a paset ti katulagan ket ti panangwaya-waya ti Hamas kadagiti hostage-da idinto ti Israel ket paruk-atanda met dagiti Palestino a nakabalod iti pagilianda.
