LAOAG CITY – Mangrugin intono Lunes ti pannakaipatungpal ti “No Vaccination, No Ride” policy ditoy probinsya.
Inbatad met dagiti sumagmamano a jeepney drivers kangrunaan na iti Central Terminal ditoy ciudad ti Laoag a sumurot da iti “No Vaccination, No Ride” Policy ti Department of Transportation (DOTr).
Basar iti pannakisarsarita ti Bombo Radyo Laoag kadagiti drivers, awan ti mabalin da no diket sumurot iti protocol no sadinno ket kitaen da ti vaccina card dagiti pasaheros.
Inlawlawag daytoy ket para met laeng iti kinatalged da a drivers pakairamanen dagiti pasaheros da.
Mainaig iti daytoy, ado metten dagiti agkalikagom a tattao ti agpabakuna kalpasan daytoy a polisiya.
