LAOAG CITY – Inlawlawag ni Mr. Jonathan Viernes, ti officer in charge ti NonStop Overseas Employement Corporation – Laoag Branch nga adda ti sursuruten da a proseso seknan iti panagaplikar ken pannakakenselar ti aplikasyon ti maysa nga indibidual.
Sungbat daytoy ni Viernes iti reklamo ti maysa nga aplikante a ni Rosalie Viernes a saan a nagtuloy gapo iti personal a rason ken kalikagom na a maala ti pasaporte na ngem maipagarop a saan a kayat nga ited ti agency.
Segun kenni Viernes, idi naibaga kadakuada ni Borje a saan nga agtuloy a mapan idiay Kuwait ket binalakadan da a mangisubmitir ti cancellation letter nga isu met ti inaramid ti maseknan idi Oktubre 12.
Inbatad na a kalpasan a naawat da ti cancellation letter ket inpatulod da iti main office da idiay Malate, Manila ken napakammoan ti counterpart da.
Kalpasan daytoy, kuna ni Viernes nga urayen laeng ni Borje ti pasaporte na a maipatulod iti opisina da ken binalakadan na daytoy a saan nga agturong idiay Manila gapo ta iti mismo opisina da ditoy ciudad ti pangalaan ti maseknan.
Nupay kasta, inbatad ni Viernes nga intultuloy latta ni Borje ti napan idiay Manila.
Ummuna iti daytoy, inbatad met ni Mrs. Rosalie Borje a saan a nagtuloy a mapan idiay Kuwait gapo ta awan ti agaywan kadagiti apoko na.
Nadakamat na pay nga adda ti kabagyan na iti POEA ken adda ti diaya da kenkuana.
Innayon na nga uray anya man ti desisyon na ket kalikagom na latta nga alaen ti pasaporte na.
