LAOAG CITY – Kalikagum ti IT Office iti lokal a gobyerno ditoy siudad ti Laoag ti pannakasukat kuma dagiti duduogan a CCTV ditoy siudad.
Daytoy ti inbatad ni Mr. Franz Felipe, mangidadaulo iti nasao nga opisina.
Kuna na a mairekomendar a masukatan dagiti duduogan a CCTV gapu ta one megapixel laeng ti resulusyon dagiti immuna a naikapet.
Segun kenni Felipe, dakkel ti diperensya na ti agdama a naikapet a CCTV a two megapixel ken mabalin pay a mausar ti makunkuna a PTZ gapu ta kabaelan na a maizoom-in ti maysa a banag iti kaadayo a 250 a metro.
Innayon na nga adda ti lima a PTZ a naiwaras ditoy siudad ti Laoag.
