LAOAG CITY – Naladaw ti panangisagana ti Office of the Barangay Affairs iti tinawen a pannakaisayangkat ti “Christmas Caravan” iti nagduduma nga ili ken ciudad ditoy probinsia.
Segun kenni Governor Cecilia Araneta Marcos, daytoy ti kangrunaan a rason ti saan a pannakaipatungpal ti kalikagomna a maibunong dagiti pang-noche buena para kadagiti umili sakbay ti kaaldawan ti paskua.
Inbatad na nga agingga kadagitoy a gundaway ket manarimaan pay laeng ti pannakai-repack dagiti maibunong a “noche Buena pack” kadagiti umili.
Nupay kasta, inpalgak na a dakkel pay laeng ti namnamana a maibunong dagitoy ita a panawen ti paskua.
Innayon na a kinasaritanan dagiti kameng ti Sang. Panlalawigan a mangitultuloy iti pannakaibunong dagiti noche Buena pack tapno mausar daytoy dagiti umili a nakairantaan na.
Inlawlawagna nga adda dagiti napapateg nga okasyon nga atendaran na idiay Manila isut gapuna a kiniddaw na ti tulong dagiti bokal.
Kunana pay a kalpasan ti Disiembre 26 ket mangrugin ti atiddog a bakasyon isut gapuna a gundaway ti tunggal maysa ti agragragsak kadua da dagiti kameng ti pamilia da.
