LAOAG CITY – Rumrummuar a pinangtaan a pilaan ti kaso dagiti miembro ti mayorya no saan nga umakar dagitoy iti minorya.
Daytoy a panangibutaktak ni Senate President Alan Peter Cayetano ket kagiddan ti panangipila ti kaso kontra iti kaduana iti mayorya a ni Senador Jinggoy Estrada a sumangsango iti kaso a graft ken plunder iti Sandiganbayan mainaig iti maanomalya a flood control projects.
Inbatad ni Cayetano a ti pudno a plano ket butngen dagiti adda iti majority bloc tapno umakar iti minorya ken no saan ket arestaren dagiti Senador a sumangsango ti kaso.
Inpettengna a no kastoy dagiti pangbutbuteng kadakuada ket anianto laengen no mangrugi ti impeachment trial kontra ken ni Vice President Sara Duterte.
Innayonna a daytoy ti umuna a gundaway nga adda ti Senate President, majority bloc ken dagiti Chairman ti Senate Committees a saan nga iggem ti Malakanyang isu a makuna a daytoy ti umuna a fully independent a mayorya iti Senado.
