LAOAG CITY – Inbilin ti Senado ti Senate Committee on Public Order and Dangerous Drugs tapno agimbestigar iti napasamak a riribok iti Senado.
Inbatad ni Senate President Alan Peter Cayetano ti nasao a komite ti mangimbestigar iti napasamak idi Mayo 11 a panagpakita ni Senador Ronald “Bato” dela Rosa a nagtungpal iti kinnamatan ti sumagmamano a kameng ti National Bureau of Investigation (NBI) agingga a nagtennag iti shooting incident wenno pammaltog iti uneg ti Senado idi Mayo 13.
Immunan nga inmosyon ni Senate Minority Leader Tito Sotto III a mangbukel ti Committee of the Whole tapno amin a komite nga adda ti pakainaiganna iti napasamak nga insidente ti mangimbestigar iti napasamak a tension iti Senado.
Inpetteng ni Cayetano nga immunada a kimmanunong iti joint investigation kaduana ti Philippine National Police-Criminal Investigation and Detection Group (PNP-CIDG) ken Department of the Interior and Local Government (DILG) ngem saan a nagbayag ket arig isuda pay ti kalikagum nga imbestigaran ni Senador Robin Padilla mainaig iti alegasion ti panagtulong iti panaglibas ni Dela Rosa.
Inkarit ni Cayetano a no plano nga imbestigaran ti liderato ken ti majority iti Senado iti napasamak ket nasken met a maimbestigaran da Philippine National Police Chief Jose Melencio Nartatez ken ni Department of the Interior and Local Government Sec. Jonvic Remulla.
