LAOAG CITY – Inlawlawag ti Office of the Vice President nga awan ti gasgastosen a kuarta ti gobierno ni Vice President Sara Duterte kadagiti biahe daytoy iti abroad.
Karama ditoy ti panagsubli-subli ti Bise Presidente idiay The Netherlands tapno tutokan ti pannakawaya-waya ken ni dati a Presidente Rodrigo Duterte.
Inpetteng ti kampo ti Bise Presidente a paset iti pammilin ni Vice President Sara nga ammoen ti kasasaad dagiti Pilipino iti ballasiw taaw.
Naammoan a ti naudi a binisita ni Vice President Sara ket ti Kuwait no sadinno a nakasangona ti Filipino community.
Karaman kadagiti napagsaritaanda ket dagiti isyu a makaapektar iti nasao a sektor.
Inpasingked ti Office of the Vice President nga aktibo iti panangtulong kadagiti Pilipino iti uneg ken ruar ti pagilian ti sangapulo a satellite offices-da iti baet ti limitado a kapasidad ken pundo.
