LAOAG CITY – Arapaap ti maysa nga OFW manipud iti pagilian nga Oman a magun-od ti Trifecta Medal iti Spartan Race a maiway-wayat iti nagduduma a paset ti inetro a lubong.
Nabigbig ti OFW a ni Marlon Bay-an, maysa nga Assistant Pharmacist iti Oman ken tubo ti Benguet.
Segun kenni Bay-an, nalpas nan ti naiwayat nga Spartan Race Sprint level iti Hongkong idi Abril 22 iti daytoy a tawen.
Inlawlawag na a magun-od na laeng ti trifecta medal no malpas na ti Sprint level, Super level ken Beast Level kadagiti maiwayat nga Spartan Race.
Kuna ni Bay-an a maiwayat ti Super level ti Spartan Race intono Mayo 6 iti pagilian a Singapore ken porsigido a leppasen na ti sumaruno a level.
Inadmitir na a maikadua pay laeng a gundaway ti pannakipaset na iti Spartan Race kalpasan ti naiwayat idiay Hongkong.
Innayon ni Bay-an a maisayangkat Spartan Race Sprint Level ditoy Pilipinas intono Setyembre 30 iti daytoy a tawen.
