LAOAG CITY – Naawaten ti Paris 2024 Olympics organizers ti Games’ flame.
Insayangkat ti pannakaawat ti flames iti maysa a seremonya idiay Athens sakbay ti 68 nga aldaw ti torch relay nga aglippas iti opening ceremony inton Hulio 26.
Simmangpet ti flame iti Panathenaic stadium idiay Athens ti lugar no sadino immuna a naisayangkat ti kaunaan a modern Olympics idi 1896.
Ti nasao a flame ket maibiahe idiay Paris iti babaen ti three-masted ship a “Belem” a manamnama a sumangpet idiay Marseille port inton Mayo 8.
Iti kanito a makasangpet daytoy idiay Paris ket manamnama nga imatangan daytoy dagiti 150 a ribu a tattao.
