LAOAG CITY – Inpakaammo ni Mrs. Helen Rose Domingo, mangidadaulo ti Provincial Sports and Development Office a manarimaanen a maisagsagana ti Olympic size swimming pool ti Ferdinand Edralin Marcos Stadium a mausar para iti mapaspasangasangan a 2025 Palarong Pambansa.
Segun kenkuana, iyur-urayda laengen ti pannakainstolar ti swimming touch pad para iti swimming pool a binulud laeng ti probinsia manipud idiay Manila.
Inbatadna nga iparukudda ti track oval ti Marcos Stadium babaen ti Philippine Athletics Track and Field Association.
Kunana a mangnamnama isuna a saan nga agpukaw ti serbisio ti kuriente kabayatan ti pannakaisayangkat ti Palarong Pambansa no sadinno nga host ti Ilocos Norte ita a tawen.
