LAOAG CITY – Inadmitir ni Ms. Janine Baldovino, Executive Assitant ti San Nicolas Water District nga adda dagiti maaw-awat da a report nga on-and-off ti serbisyo daytoy.
Segun kenni Baldovino, sipud iti napalabas nga aldaw ket adda ti nadadael a tubo iti San Nicolas Water District iti paset ti Barangay Barabar.
Kunana a daytoy ti rason no apay a kastoy ti serbisyo ti San Nicolas Water District ken ita nga aldaw ket awan ti rumuar a danom manipud iti gripo gapo ta manarimaan ti pannakatarimaan ti tubo a nag-leak,
Iti met biang ti narugit a danom manipud iti grupo, kuna ni Baldovino a rumbeng a mangisubmitir laeng ti pormal a report iti opisina da tapno al-alisto ti pannakasolbar daytoy.
Inlawlawag na a no awan ti danom ken kellaat nga agadda ket saan a maliklikan a narugit daytoy no dadduma.
Malaksid iti daytoy, inadmitir pay ni Baldovino iti Sta. Monica Homes nga on-and-off ti serbisyo ti San Nicolas Water District gapo ta kurang pay ti pasilidad daytoy tapno naan-anay a masuplayan ti nasao a lugar.
Kabayatanna, inpasigurado ni Baldivino nga aramiden da amin ti kabaelan da tapno maipaayan ti napintas a serbisyo dagiti residente.
