LAOAG CITY – Nakaserba ti maysa a bilyon a pisos iti kada tawen para iti training ken seminar kadagiti mannalon ditoy pagilyan no mapirmaanen ni Presidente Rodrigo Duterte ti Rice Tarification Bill.
Daytoy ti inbatad ni Dr. Reynaldo Castro, director ti PhilRice idiay ciudad ti Batac.
Segun kenni Castro, ti 700 a milyon a pisos manipud iti nasao a gatad ket mapan iti kiddaw para kadagiti training dagiti mannalon seknan iti agrikultura.
Inbatad na nga adda pay ti nakalatang a maysa a milyon a pisos para iti PhilMeca ken ti pannakabukel ti organisasyon ti mannalon tapno daytoy ti umawat kadagiti tulong nga ited ti gobierno manipud iti taripa dagiti imported a bagas.
