LAOAG CITY – Inbutaktak ti maysa kadagiti 18 a maleta boys a naidiaya kadakuada ti P20 agingga iti P25M tapno ag-recant wenno ibabawi ti statement-da a nakairamanan ti sumagmamano nga opisial ti gobierno a pakairamanan da Presidente Ferdinand Marcos Jr. ken dati a House Speaker Martin Romualdez iti flood control projects.
Daytoy ket inrakurak ni George Villanon Jr. kalpasan nga uppat kadagiti kakaduana ti nagpirma iti recantation affidavits. Inpudno pay dagiti uppat a saan a pudno ti orihinal a joint affidavit-da.
Mainaig iti daytoy, saan nga innagan ni Villanon no siasino ti nangidiaya kadakuada iti dakkel a gatad ti kuarta.
Impettengna a saan a kayat dagiti dadduma a kakaduana nga ibabawi ti affidavit-da, no sadinno a takderanda nga umno ti affidavit-da.
Immunan a nagkedked ni Atty. Levito Baligod ti akusasion dagiti uppat a maleta boys a kwinartaan na dagiti kliyentena tapno agaramidda iti joint affidavit.
Maipalagip nga idi Pebrero, immuna nga inyam-ammo ni Baligod dagiti 18 kas dati a marines, a nagserbi kas bagmen ni dati a Rep. Zaldy Co iti panangipatulod da iti P805 billion a kickbacks manipud kadagiti anomalous flood control projects.
