LAOAG CITY – Narugianen a nailako iti nalaklaka a bagas a magatang iti P43 kada kilo kadagiti Kadiwa stores ti Department of Agriculture.
Daytoy ket nababbaba iti P2 maidasig iti inisyal a mailaklako a P45 iti kada kilo ti bagas iti babaen ti Rice for All Program.
Ti nasao a programa ket nairubuat iti Barangay Daang Bakal idiay Mandaluyong City.
Inbatad ni Department of Agriculture Secretary Francisco Tiu Laurel Jr., naragsak daytoy iti nabara a panangawat ti publiko iti programa ti gobierno.
Inlawlawag ti sekretario nga awan ti iruar a kuarta ti ahensia tapno i-subsidize ti bagas gapu ta ti aktwal a presio manipud kadagiti mannalon ket direkta a mailaklako kadagiti gumatgatang.
Inpetteng ti Department of Agriculture chief a ti P43 iti kada kilo ti bagas ket saan a budol ken saan a malugi ti gobierno ken Kadiwa daytoy.
