LAOAG CITY – Inaprobaran ti Department of Budget and Management (DBM) ti pannakaiparuk-at ti P5 billion para iti kanayunan a pundo ti Pantawid Pamilyang Pilipino Program (4Ps), flagship anti-poverty program ti gobierno iti babaen ti Department of Social Welfare and Development (DSWD).
Basar iti departamento, ti kanayunan a pundo ket makaut pay laeng iti 2023 Continuing Appropriations ken usaren tapno i-cover ti 2023 4Ps grants iti arrears, nagresulta ti deactivation/suspension ti 4Ps beneficiaries kadagiti 703,888 a pamilia.
Maipalagip nga iti maikatlo nga State of the Nation Address (SONA) ni Presidente Ferdinand Marcos Jr., inrakurakna a nasurok 420 a ribu a pamilia ti nagturposen manipud iti programa wenno na-assessed wenno naarisit kas “self-sufficient” iti uneg laeng ti maysa a tawen.
Kabayatanna, ti 4Ps ket mangipapaay ti conditional cash transfers kadagiti indigent households tapno mapasayaat ti salun-atda, nutrision ken education outcomes.
