LAOAG CITY – Desidido ti New York Knicks ken Indiana Pacers a lippasendan ti serye iti first round Eastern Conference Playoffs.
Daytoy ket kalpasan nga iggem ti Pacers ti 3-2 a bentahe kontra iti Milwaukee Bucks pakairamanan ti Knicks kontra iti Philadelphia 76ers.
Saan met nga agpaatiw ti Sixers coach Nick Nurse a lippasenen ti Knicks ti laban gapu ta homecourt ti Philadelphia ti pakaisayangkatan ti Game 6.
Mamati daytoy kadagiti players-na no sadino dimmanon pay iti overtime idi Game 5 tapno magun-odda ti panangabak iti home court ti Knicks.
Adda ti adjustments met Knicks a malaksid iti panag-double team ken ni Sixers star Joel Embiid ket agbalin a nakasagana dagiti New York players iti babaen ti OG Anunoby, Josh Hart ken Jalen Brunson.
Gundawayan met ti Indiana Pacers ti home court advantage-da kontra iti Bucks no sadino saanda nga ipalubos ti napasamak idi Game 5 a tinambakan isuda ti Milwaukee iti iskor nga 115-92.
Maysa kadagiti tulbek ti Pacers ket ti power forward-da a ni Pascal Siakam nga addaan ti average a 23 points, 9.2 rebounds ken 4.2 assists ken katulungan daytoy ni Myles Turner nga addaan ti average a 22 points, 7.6 rebounds, 3.2 assists ken 1.2 blocks.
Saan met a madanagan ti Bucks nupay man kuwestiyonable iti Game 6 nga agay-ayam da Damian Lillard nga addaan ti Achilles injury ken Giannis Antetokounmpo nga addaan ti calf injury gapu ta adda dagiti sumagmamano nga umaayamda a masuktan.
Daytoy ket babaen kada Bobby Portis ken center Brook Lopez.
