Agsubli manen ti panagsanay ni Manny Pacquiao kadua ti head coach-na para iti exhibition fight kontra iti saan pay a nainaganan a Japanese fighter a maangay inton Hulio ita a tawen idiay Japan.
Pinasingkedan daytoy ni Coach Buboy Fernandez iti rugi ti training idi Mayo 2 no sadinno a nakaaramid ni Pacquiao iti uppat a rounds babaen ti punch mitts.
Segun ken ni Fernandez, uray no exhibition fight ti nasao a laban ket iburayda ti panawen iti panagsanay.
Gapu iti daytoy, maiyuswat ti panagsanay ni Manny iti wild card gym iti siudad ti General Santos City.
Nupay kasta nga apaman nga agsubli iti panagsanay ket adda ti sumagmamano a panagbalbaliw nga aramiden ni Manny iti training camp-da.
Segun kenni Coach Buboy malimitiran dagiti sibilian a mabalin a mapan iti nasao a lugar ken ag-video ken sumagmamano laeng ti mapalubosan ngem saan a maapektaran ti media kas iti Bombo Radyo Philippines a nawaya a sumrek ken mangala iti video ti nadakamat a panagsanay.
Maipalagip a saan a nagtultuloy ti labanda ken ni Thai kickboxer Buakaw Banchameck.
