LAOAG CITY – Inlawlawag ti Movie and Television Review and Classification Board (MTRCB) dagiti ipatpatungpal da a pagalagadan.
Inaramid daytoy ti MTRCB bayat ti inyuswat da a press conference iti kapitolyo probinsyal.
Kiniddaw pay ti MTRCB iti media ken ti publiko a suportaran da koma dagiti ipatpatungpal da a pagalagadan kangrunaan na ti saan a panagpabuya kadagiti saan a maiparbeng iti telebisyon.
Inpakaammo ni Mr. Jun Santos, ti pannakabagi ti MTRCB a plano da pay nga idanun iti kongreso dagiti ipatpatungpal da a pagalagadan tapno adda ti mabukel a grupo a nabilbileg a mangipatungpal.
